//想和你去吹吹風．鶴咀海岸保護區//
Missfreckle祝咁多位新年快樂，教書既班仔仔女女聽聽話話、聰明每俐。鍾意去玩既就祝你來年驛馬星動，個個月都有假有錢去旅行！
辛苦一年終於放幾日假，諗唔到去度玩既朋友可以考慮一下鶴咀，個度好幾個聞名景點都老少咸宜，又易行又多影相位。今次就簡簡單單為大家介紹下鶴咀，有燈塔、有雷音洞、有蟹洞仲有殺人鯨… 副標本 （笑）
鶴咀雖然早已不是秘景，但礙於交通不算太方便，所以遊人一直也不多。鶴咀位於龍脊旁邊，但較易被忽略，但去過一次以後包你樂而忘返，想一直坐在石岩上吹海風放空。